Urteak dira Hernaniko Lanbide Heziketako zentroa Wukroko Lanbide Eskolarekin elkarlanean dabilela.
Aurtengo proiektuaren helburua, eskolan bertan bizikleta zaharrak zaharberritu eta Etiopiara bidaltzea da. Horretarako, Hernani eta inguruetako herritarrei eskaera luzatu nahi diete ikasleek, etxean gordeta eta erabilerarik ematen ez zaien bizikleta zaharrak eskolara eramateko.
Erabiltzeko moduan dauden tamaina guztietako bizikletak jasoko dituzte, urte guztian zehar baina lehenbailehen eramatea eskertzen dute. Beraz, edozein momentutan eraman daitezke bizikletak zentrora eta atezainari galdetu.