Beste urte batez, abian da datorren urteko inauteriak iragartzeko kartela aukeratzeko lehiaketa. Urtero bezala, lehiaketan nahi duenak parte hartu dezakeela jakinarazi du Udalak.
Abenduaren 9a izango da proposamenak aurkezteko azken eguna, eta formatu digitalean entregatu beharko dira derrigorrez.
Irabazleak, 600 euroko saria
Lehenen hautaketa Jai Batzordean egingo da eta ondoren, herritarrek emango dute euren bozka. Sari bakarra izango da, 600 euro eskuratuko ditu lehiaketa irabazten duenak; 300 euro Hernaniko Berriak elkarteko dendetan erabiltzeko izango dira, eta gainontzekoa transferentzia bidez emango da.
LEHIAKETARAKO KONTUAN IZAN BEHARREKO DATAK
Abenduak 9, 14:00ak bitarte. Proposamenak jasotzeko azken eguna.
Abenduak 11-26, herritarren bozka jasotzeko epea: online eta Biteri kultur etxean.
Abenduak 31, bozka gehien jaso dituen kartela zein den jakinaraziko da.
Oinarriak ikusteko, egin klik hemen.