ELUR TXORI ELKARTEA

Rufinok irabazi du Sagardo Txapelketa

Aurreko larunbatean jokatu zen Elur-Txorin, 37. Sagardo Txapelketa eta Rufino sagardotegiak irabazi zuen 1.178 punturekin. Ondoren, hurrenez hurren geratu ziren Oiarbide (1.162 p), Elorrabi (1.146 p) eta Iparragirre (1.117 p). Honakoek ere hartu zuten parte: Altzueta, Astiazaran, Setien, Alberro, Zelaia eta Elutxeta. Giro onean afaldu zuten Eli Pagola eta Nerea Ibarzabal bertsolariek alaituta.