Mugen gainetik, Txiapasen Alde eta Lumaltik elkarteek hitzaldia eskainiko dute gaur, arratsaldeko 19:00etan Biterin. Claudia Vázquez mexikarra, Mario Minera guatemaldarra, eta Goienerreko ordezkari bat izango dira hizlari, eta ariko dira elektrizitate-enpresa espainiarrek (Iberdrola, Acciona, Naturgy,...) duten eraginaz, Mexikon eta Guatemalan.
«Hainbat urte daramatzate Mexikon eta Guatemalan megaproiektuak eraikitzen, natura, herri indigenak eta emakumeak errespetatu gabe. Euren helburu bakarra dirua irabaztea da, kosta ahala kosta, baina euren publizitatean saltzen diguten irudia da ingurumena errespetatzen duten enpresak direla, eta beren burua enpresa ‘berdetzat’ jotzen dute» diote elkarteek.