Eguraldi txarragatik pentsiodunen manifestazioa bertan behera geratu zen atzo, baina hala ere Plazan bildu ziren Lan Sozialaren Kontseilu Orokorrak eman dien saria erakusteko.
Euskadiko Pentsiodunen Mugimenduari eman diote eta garaikurra herriz herri eramango dute. Hernanin izan ziren atzo kontzentrazioan, eta harekin taldeko argazkia atera zuten. «Guretzat ohore bat da sari hau jasotzea. Bere baitan dakar milaka eta milaka pentsiodunok 14 hilabete hauetan gure aldarrikapenen alde egin dugun borrokaren aitorpena» adierazi zuten pentsiodunek.
Pentsionisten mugimenduak balorean jarri nahi izan ditu pentsionisten mugimenduaren hainbat lorpen: Pentsioen KPIaren igoera bi urtetan, Jasangarritasun Faktorearen aplikazio atzeratzea 2023 urtera arte, Lanbide Arteko Gutxieneko Soldata 900 eurora igotzea, Alarguntza pentsioaren kalkulua egiteko, oinarri erregulatzailearen %60a hartzea. «Lorpen guztiak ez daude bermaturik etorkizunean».