EH Bildu

Mertxe Aizpuruak eta Gorka Elejabarrietak, ekitaldia gaur Biterin

Arratsaldeko 19:00etan izango dira bertan, igandeko hauteskundeetarako hautagaiak.

Ekitaldi politikoa antolatu du EH Bilduk gaur, Hernanin. Arratsaldeko 19:00etan izango da, Biterin; eta bertan egongo dira Mertxe Aizpurua eta Gor­ka Elejabarrieta, Kongresurako eta Senadurako hauteskundeetarako hautagaiak.

EH Bilduk nabarmendu du, «garrantzia haundia» eman diola, Kongresuan eta Sena­du­an «ordezkaritza sendoa» izateari. Eta horregatik, alderdiko kide eta zaleak gonbidatu ditu, parte hartu dezaten gaurko ekitaldian, eta datorren igandeko hau­teskun­deetan, «gure esku­bideak errespeta dai­tezen. Guk egiten ez badugu, ez du gugatik inork egingo», aldarrikatu du.

Kongresurako zerrendan, Aizpuruak lagun izango ditu, besteak beste, Hernanin bizi den Juan Mari Olano, Jon Iña­rritu eta Esther Larrañaga; eta Senadurako, Elejabarrie­ta­rekin batera dira, Aitor Ibero Her­na­ni­ko Udaleko langilea, edota Olaia Duarte.