Konpromiso zaila izango du Hernanik gaur, Ohorezko Mailan, azkeneko postutik ateratzeko puntuak lortzeko. Las Terrazas zelaian jokatuko du, eguerdiko 12:30etan hasita, eta Alcobendas izango du kontrario; sailkapeneko hirugarren postuan dagoen taldea, hain zuzen ere.
Cisnerosen etxean galduta hasi zuten denboraldia madrildarrek, baina ordutik, partidu guztiak irabazi dituzte, joan den astekoa izan ezik: azkeneko unean lortutako zigor kolpeari esker nagusitu zitzaion VRAC (31-33). Indartsu dabil Alcobendas, eta porrota horri buelta emateko gogoz izango dira, gainera.
Hori horrela, zaila izango dute trikoloreek, punturen bat ekartzea; baina lehenago ere erakutsi dute, edozein kontrariori aurre egiteko gai direla.
Partidua zuzenean ikusi ahal izango da, www.ferugby.es atarian, edo Alcobendas Rugbyren YouTubeko kanalean.