Gaur izango du segida, hirugarren jardunaldiarekin, Hernaniko Xake Txapelketak. Kixkal tabernan izango da, arratsaldeko 16:00etan hasita, eta 12 partida jokatuko dira, guztira.
Bereziki erakargarria izango da, Makarov eta Martiarenaren artekoa. Lidertza konpartitzen dute, aurreneko bi partidak irabazita, eta elkarren kontra ariko dira gaur. Gainerakoak, hauek izango dira: Udo Esnaola eta Joseba Goikoetxea; Erdozio eta Iturralde; Ekaitz Devesa eta Oxan; Beñat Devesa eta J. R. Altuna; Edu Sanz eta Ibon Ramos; Berrotaran eta Javier Burgos; Xerpa eta Maitane Otaolea; Jose Gonzalez eta Mikel Zubia; Beñat Murua eta Peru Dominguez; Iñaki Arrieta eta Alain; eta Jon Sagarna eta Ekain. Atsedena eskatu dute, eta 0,5 puntu jaso, Eli Agirrek eta Mertxe Egizurainek.
Bi liderren atzetik, 1,5 punturekin daude Esnaola, Oxan, Erdozio, Altuna, Devesa anaiak, Iturralde eta Goikoetxea.