Astelehenean jarriko dira salgai antzerki ziklorako eta haurren antzerkirako sarrerak. Haurren kasuan, antzerki bakarra egongo da, azaroaren 9an. Hori bai, bi sesio egingo dira Biteri kultur etxean, aurrenekoa 11:00etan eta bigarrena 12:30etan. Urte bete eta bost urte bitarteko haurrentzat zuzendutako antzerkia izango da. Sarrera 3 euro da.
Antzerki ixila izango da
Haurrentzako antzerkia haurtzarorako proiektu eszeniko bat izango da, Ehuna izenekoa, Cristobal Balenciagaren unibertsoan inspiratuta.
Airearekin eta gorputzarekin mugimendua jostea, ehunaren dantza egiteko da helburua. Espazioa janzten duen oihal haundi bat, bertan gorputz jostalariek dantza egiteko erabiliko da.
Hiru lan, antzerki zikloan
Hiru antzerki eskainiko dira antzerki zikloan: Zeru urdina lehena, azaroaren 12an; azaroaren 13an, Utzi mezua seinalearen ondoren; eta azaroaren 14an, Elisa Y Marcela. Arratsaldeko 20:00etan hasiko dira antzerki gutziak, eta sarrerak 7,5 euro balio du.