Gipuzkoako Bertsolari Txapelketaren bosgarren eta azken final-laurdena, gaur jokatuko da Azkoitiako Baztartxo Antzokian, arratsaldeko 17:00etan.
Hernaniko Bertso Eskolatik Beñat Gaztelumendi añorgarra izango da bertsotan; aurrenekoz kantatuko du aurtengo txapelketan. Berarekin batera ariko dira, baita ere: Ane Labaka, Ander Lizarralde, Ane Zuazubiskar, Mikel Artola eta Maialen Akizu. Gaztelumendi da gaur egungo Gipuzkoako txapelduna, eta beraz, txapelaren defentsa hasiko du gaurtik.
Azkoitiako irabazlea, zuzenean sailkatuko da finalaurrekoetara eta gainontzeko bertsolariek, puntuazioaren arabera izango dute horretarako aukera.
Eñaut Martikorena eta Agin Laburu, finalerdietan
Gaur ezagutuko dira finalerdiak nola geratuko diren. Oraingoz, Hernaniko Bertso Eskolak finalerdietarako sailkatuta ditu Eñaut Martiko–rena eta Agin Laburu eta ez nolanahi. Biak ere beraien finalaurdenak irabazita sailkatu dira. Jon Maia eta Oihana Iguaran izan dira beste bi saioetako irabazleak. Beste hamahiru sailkatuak puntuazioaren araberakoak izango dira.
Asier Azpirozek sailkatu beharko luke puntuaketaren arabera, baina zailagoa du Unai Gaztelumendik.