bozekin beste hitzordu bat izango dute herritarrek hurrengo igandean, bihar zortzi. Hain zuzen, Kongresuko eta Senatuko ordezkariak, berriro ere, aukeratu beharra daude, eta bide horretan, atzo hasi zen, ofizialki, hauteskunde-kanpaina.
Honen baitan, astelehenean egingo du ekitaldia EH Bilduk Hernanin. Biteri kultur etxeko areto nagusian izango da, arratsaldeko 19:00etan hasita, eta bertan izango dira Mertxe Aizpurua eta Gorka Elejabarrieta, EH Bilduren hautagaiak.
Aizpurua eta Elebabarrieta izango dira Kongresuko eta Senatuko zerrenda-buruak, hurrenez hurren. Eta haiekin batera izango dira, besteak beste: Kongresuan, Jon Iñarritu, Esther Larrañaga eta Hernanin bizi den Juan Mari Olano; eta Senatuan, Olaia Duarte eta Aitor Ibero, Hernaniko Udaleko langilea.
Ordezkaritza sendoa izatea, helburu
Hernaniko EH Bilduk ohar batean azaldu du «garrantzia haundia» eman diola Kongresu eta Senatuan «ordezkaritza sendoa» izateari, beraz, kide eta zaleak gonbidatu ditu hautagaiekin egingo den ekitaldian eta bihar zortzi egingo diren hauteskundeetan parte hartzera.
Izan ere, Hernaniko EH Bildutik aldarrikatu dute: «gure eskubideak errespeta daitezen, guk egiten ez badugu, ez du gugatik inork egingo», adierazi dute.