Bakarkako bosgarren diska kaleratu berri du Olatz Zugasti musikari hernaniarrak; Orion zuzenean izenburupean, urriaren 25ean argitaratu zuen.
Horrez gain, herritarrek zuzenean entzuteko aukera ere izango dute, tartean, hernaniarrek. Izan ere, abenduaren 5ean aurkeztuko du etxean, Hernanin. Biteri kultur etxean izango da hori, eta aurrerago emango dute xehetasunen berri.
Lehenengo zuzeneko diskoa
2015ean bere azkeneko diskoa, Ur goiena ur barrena, aurkeztu ondoren, aurrenekoz ekin zion Zugastik bakarlari gisa kontzertuak eskaintzeari. Bolada horren islada da, hain zuzen, disko berri hau.
Hain justu, Orion, bere bizitokian, eskainitako kontzertuaren zuzeneko grabaketa da disko berrian aurkezten duena. Diskoan zehar, bakarlari moduan egindako lau lanen kantuak entzun ahal izango dira, baita hainbat euskal kantu tradizional eta Benito Lertxundiren beste bat, Gratxina alabak kantatua.
Gratxina Lertxundi eta Zugastik berak ez ezik, Ander Ederrak, Ander Zulaikak eta Amaiur Cajaraville musikariek ere hartu dute parte diskoko abestien moldaketan.