Galarretan larunbatetako jaialdia jokatuko da gaur eta bertan Barrenetxea IV hernaniarra eta Zubiri goizuetarra ariko dira. Barrenetxeak izugarrizko joko eta emaitzen bolada ona darama eta ostegunean garaipena lortu eta gero, estelarrean, Ansarekin jokatuko du, Urriza eta Endikaren aurka bolada onak jarraitzeko. Bestetik, Zubirik ere ostegunean irabazi egin zuen eta laugarren partidua jokatuko du. Hau ere urnietar batekin ariko da, Goikoetxea V, eta aurrez aurre Urrutia II eta Larrañaga. Oskar Urrutia berriz ere kantxan da orain urte batzuk erremontea utzi eta gero lanaren ondorioz.