AURTENGO Mendizale Astea astelehenean hasiko da, eta ekitaldi ezberdinak izango dira azaroak 4, 5, 6, 7, 8 eta 17an, Hernaniko Mendiriz-Mendi Elkartearen eskutik.
Helduei zuzendutako proiekzio batekin emango zaio hasiera aurten, Eskia argentina, Japonia eta Auñamendietan ikus-entzunezkoarekin. Jon Sasigain, Aitor Zabarte eta Aitzol Mendizabalek Pirineotatik hasi eta Andeetan eta Japonian barrena dauden eskiatzeko leku ezberdinak ezagutaraziko dituzte, haien bizipenak partekatuz.
Ekitaldi gehienak helduen interesekoak izango diren arren, etxeko txikienentzako ekimen bat ere izango da. Azaroaren 8an proiekzio berezi bat eskainiko da 18:00etan Biteri Kultur Etxean, gaztetxoenen irteeretako argazkiak ikusteko. Proiekzioa bukatutakoan, aurtengo gaztetxoen dominak banatzeari ekingo diote, eta hauek izango dira domina eskuratuko duten 31 gazteak: Xuban Adarraga, Ekiñe Albo, Oier Albo, Saioa Apaolaza, Araitz Apaolaza, Oier Arrondo, Beñat Azkarate, Garbiñe Del Valle, Asier Eizagirre, Ekain Eizagirre, Irune Eizagirre, Ekhi Fernandez, Nora Fernandez, Maddi Galarraga, Libe Galarraga, Intza Goñi, Manex Goñi, Asier Illarramendi, Inge Iradi, Xare Iradi, Itxaso Lasa, Intza Lasa, Mara Perez, Ekain Rezabal, Miren Rodriguez, Sarai Royo, Adur San Emeterio, June San Emeterio, Garazi Zarallo, Oihane Zubeldia eta Aihotz Zumeta.
Haurren proiekzio berezia eta domin banaketa kenduta, gainontzeko proiekzio guztiak Biteri Kultur Etxean izango dira arratsaldeko 19:30etan.
Aurtengo Mendizale Asteari amaiera emateko, azaroaren 17an irteera bat antolatu da, Bazkide eguna dela aprobetxatu eta hori ere ospatzeko: Lana Bailara-Lokiz mendilerroa ibilaldia egingo da egun horretan.
2019ko Mendizale Astea 4. Astelehena, Jon Sasigain, Aitor Zabarte eta Aitzol Mendizabalen Eskia Argentina, Japonia eta Auñamendietan ikus-entzunezkoa.
|