URTERO bezala, martxan da dagoeneko 2020ko inauteriak iragartzeko kartela aukeratzeko lehiaketa. Ohi bezala, edonork parte hartu dezakeela adierazi du Udalak.
Haiek dagoeneko aurkeztu ditzakete proposamenak, eta abenduaren 9a izango da horiek aurkezteko azkeneko eguna.
Komunikazio ez-sexista bermatzea, ezinbestekoa
Lehiaketan parte hartzeko hainbat baldintza bete behar dira: jatorrizko lanek 32cm-ko zabalera eta 48cm-ko altuera izango dute, eta ezinbestekoa da formatu digitalean aurkeztea. Gainera, kartelak, Hernaniko inauteriak 2020 izenburua izan behar du. Komunikazio ez-sexista ere bermatu beharko du.
300 euroko saria, kartel irabazleak
Behin epea bukatuta, inauterietako Jai Batzordeak aur-keztutakoen artean, lau aukeratuko ditu, ondoren, herritarrek bozkatu ditzaten.
Bozkatzeko epe hori abenduaren 11tik 26ra izango da, eta bi bide izango dituzte herritarrek botoa emateko: internet bidez, edo Biterin bertan. Urtea bukatu aurretik, abenduaren 31n, jakinaraziko da irabazlearen izena.
Sari bakarra izango da; kartel bozkatuenak 300 euroko balea jasoko du, Berriako dendetan erabiltzeko.
Oinarriak osorik ikusteko, hemen.