Aukeratu ditu epaimahaiak, Hernaniko Koloreak argazki lehiaketaren irabazleak: 2020 urteko udal egutegia osatuko duten 13 argazkiak, alegia.
Honakoak dira, argazkien izenburuak eta irabazleen izen-abizenak: Emakumea ahalduntzeko artea eta Zinkolore, Aurora Alesanco Osesenak; Ilunabarra, Nagore Ruiz de Arbulo Urreiztirena; Hernaniko hagina eta Zeruko Argia, Jose Luis Iraola Peñarenak; Bixtak eta Bosteko, Asier Goya Etxeberriarenak; Islada, forma eta kolore jolasa eta Zuritzen, Agurtzane Eizmendi Zabalarenak; Green eta Gorriaren gainean, Felix Herrero de Gregoriorenak; Harrizko zuhaitzak, Borja Gil Fernandezena; eta Cerezo japonés, Maite Arrietarena.
Irabazle bakoitzak, 40 euroko erosketa txartela jasoko du opari, aukeratutako argazki bakoitzeko. Berriak elkarteko dendetan erabili ahal izango dituzte, txartel horiek.
Azaroaren hasieratik ikusgai, Biterin
Aukeratutako 13 argazkiekin, erakusketa jarriko dute Biteriko pasilloan; eta ikusgai egongo dira, azaroaren hasieratik, abenduaren aurreneko astera.
Hain justu, abenduan argitaratuko ditu 2020ko egutegiak, Udalak. Guztira, 4.000 ale inprimatuko dituzte, eta udal eraikinetan banatuko dituzte, abendu osoan zehar.
Partehartze zabala izan du, Hernaniko Koloreak lehiaketak: 20 egilek aurkeztu dituzte beraien argazkiak; eta 97 argazki izan dira guztira.