Antzerki saioa izango da gaur arratsaldean, Biterin, Hernaniko Udal Euskaltegiak antolatuta. Arratsaldeko 18:00etan hasita, Sarean kateatuak emanaldia eskainiko dute Nomofobikak taldekoek: Olatz Beobide, Belen Cruz eta Amaia Lizarralde aktoreek. Web-seriea ere badaukate, www.nomofobikak.eus web orrian, eta peluka berdeak jantzita, egiten diote aurre terapia bati, mugikorrekiko dependentzia gainditzeko.
Hain justu, hori izango dute gaurko antzezlaneko gaia. Ikusleekin batera egingo dute terapia: menpekotasuna zenbatekoa den neurtzeko test batekin hasi, eta erakutsiko dute nola bizi duten hori, ofizio ezberdinetako langileek, nerabeek edo adineko emakumeek, beti umore tonuan.
Doakoa izango da.
Udal Euskaltegia
Nomofobikak Biterin, gaur arratsaldean
‘Sarean kateatuak’ antzezlana eskainiko dute web-serieko protagonistek, 18:00etan. Doakoa da. Mugikorrekiko menpekotasuna izango dute hizpide, eta horri aurre egiteko terapia bat egingo dute.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!