EGun bereziak izango dira datozenak, Hernaniko Gaztelekuan. Izan ere, gaur hasi eta ostegunera bitarte, zita hirukoitza jarri dute, Gau Beltzari eskainitako ekintzekin.
Ostegunean izango da Gau Beltza edo Halloween gaua, eta horri begira prestatuko dira, gazteak. Gaur arratsaldean, maskarak eta dekorazioa landuko dituzte, eta Gau Beltzeko bideoak ikusi.
Gau Beltzerako prestatzen jarraituko dute, bihar ere. Eta zehazki, egingo dituzte gaiarekin girotutako galletak, eta prestatuko dituzte mozorroak eta makillajea.
Eta azkenik, ostegunean, Gau Beltzaren egunean, pelikula ikusiko dute, eta photocalla jarriko dute, mozorroekin argazkiak ateratzeko.