Bazkari baten bueltan eskertu zieten odol emaileei, beste urte batez, erakutsitako fideltasuna. Urnietako Oianume jatetxean egin zuen festa, Gipuzkoako Odol Emaileen Elkarteko Oria Beheko Ordezkaritzak, Hernanikoek tartean; eta ohi bezala, omendu zituzten estrakzio kopuru haundiak pilatu dituztenak, dagoeneko. Horrela, diploma jaso zuten 22 hernaniarrek. 25 estrakzio egiteagatik omendu zituzten Pedro Herrero, Soraya Iturralde, Cecilio Jauregui, Unai Lacadena, Jose Antonio Ochotorena, M. Resur Olazabal, Begoña Ormazabal eta Iñaki Urretabizkaia; 40 estrakziora iristeagatik, M. Teresa Monge eta M. Josefa Olariaga; 50 odol ematerengatik, Eneko Ayestaran, Jose M. Bergaretxe, Juan Bergaretxe, Leoncio Lekuona eta Fernando Narvarte; 60ra iristeagatik, Josefa Alcorta, Adelaida De Celis, Asunción Ochotorena, eta Angelines Vera; 75 estrakzio izateagatik, Manuel Irastorza eta Francisco Javier Rodriguez; eta azkenik, 100 odol emateren zifra borobilera iristeagatik, Francisco Javier Ormaechea omendu zuten.