Azkeneko fasean dago jada Hernani Erabaki aurrekontu parte-hartzaileen prozesua. Gaur hasi eta azaroaren 24ra arte, 2020ko udal aurrekontuaren 500.000 euro zertara bideratu nahi duten erabakiko dute hernaniarrek.
Aurten, 22 proposamenetatik 10 hautatu beharko dituzte 16 urtetik gorakoek. Gaur jakinaraziko dute 22 horiek zeintzuk diren; arratsaldeko 18:00etan izango da hori, udaletxeko areto nagusian.
Ordutik aurrera, hainbat bide izango dituzte herritarrek botoa emateko: erabaki.hernani.eus webgunean egin ahal izango da; udal eraikinetan eta auzo lokaletan dauden postontzien bidez; baita auzoz auzoko saioetan ere.
Latsunbeberrin izango da aurreneko saioa etzi, 19:30etan, auzoko lokalean.
EGUTEGIA
UDALETXEA (Aurkezpena) | urriak 28 (astelehena) | 18:00etan |
LATSUNBEBERRI | urriak 30 (asteazkena) | 19:30eTan |
ANTZIOLA (Bidebieta plaza) | azaroak 4 (astelehena) | 16:30etatik 18:00etara |
LIZEAGA | azaroak 6 (asteazkena) | 19:30etan |
SORGINTXULO | azaroak 11 (astelehena) | 19:00etan |
PORTU | azaroak 13 (asteazkena) | 19:00etan |
PLAZA BERRI | azaroak 14 (osteguna) | 16:30etatik 18:30etara |
ZIKUÑAGA | azaroak 18 (astelehena) | 19:30etan |
ETXEBERRI-FLORIDA | azaroak 20 (asteazkena) | 19:00etan |
KARABEL | azaroak 21 (osteguna) | 18:00etan |