Sasoi betean hasi zuten eguna atzo Txantxillako auzotarrek herri lasterketarekin; arimek hartu zieten lekukoa arratsaldean kalejirarekin festei agur esateko.
30 bat korrikalari
Herri lasterketaren bigarren edizioan, Xabi Intxauspe hernaniarra izan zen azkarrena gizonetan Santa Barbara igotzen (0:26:49); emakumeetan, aldiz, Ane Fernandez donostiarra (0:34:05). Jarraian iritsi dira: gizonezkoetan, Iñigo Gurrutxaga donostiarra eta Xabat Pagola hernaniarra; eta emakumezkoetan, Ana Rodriguez hernaniarra eta Arantxa Atxukarro berastegiarra.