Beste behin ere, diska eta liburuen azoka jarriko du Kaleko Kultur Elkarteak Plaza Berrin. Gaur jarriko dute postua, ohi bezala, goizeko 10:30etatik eguerdiko 14:00ak bitarte.
1.000tik gora material
Hernaniarrek denetarik topatu ahal izango dute Kaleko Kultur Elkarteak Plaza Berrin jarriko duen postuan. Denera, 1.000 izenbururen artean aukeratu ahal izango da; tartean izango dira diskak, CDak eta liburuak.
Material bilketa, ere bai
Materiala saltzeaz aparte, bilketa ere egingo dutela adierazi dute: «nahi duenak, erabiltzen ez dituen liburu, musika-CDak eta binilozko diskoak eman ditzake». Dena den, jakinarazi dute ez dela jasoko ez entziklopediarik, ezta rebistarik ere.
Egunean bertan ez ezik, haiekin harremanetan jarriz ere, jasotzen dute material hori. Horretarako, azokasolidario@gmail.com helbidera idatzi behar zaie.
Azokaren inguruan informazio gehiago behar duenarentzat, webgunea ere badute: www.azokasolidario.eus. Egiten dituzten ekintza guztien berri ematen dute bertan, modu irekian.