Txili taberna
Hernaniko Zapa kaleko Txilibita taberna nagusitu da 2019 honetako Bakailao asteko pintxo lehiaketan, Ezpelet izeneko bakailao pintxoarekin. Pintxoaren sekretuetako bat izan daiteke Ezpeleteko piperrautsa eta pikua daramala.
Dena den, Txilibita tabernakoek ondo baino hobeto dakite zer den Bakailao Asteko txapeldun izatea, aurtengo ez baita lehengo aldia txapela lortzen dutena, hirugarrena baizik.
Etxeko sukaldaritza, oinarri
Etxean bertan ondo landutako pintxo aukera zabala eskaintzen du Josunek eta bere taldeak egunero tabernako barra gainean, baina aurtengo Ezpelet pintxoak izan duen arrakasta haundia ikusita, Zapa kaleko taberna honek eguneroko eskaintzaren barruan dauka aukeran. 2014 urtean txapela lortu arazi zien bakailao pintxoa bezala; sortu zutenetik bost urte pasa badira ere, oraindik arrakasta mantentzen du, jende askok eskatzen du eta.
Esker oneko hitzak
Josunek eta bere taldeak benetan eskertu nahi ditu aurten beraien etxera gerturatutako guztiak eta batez ere, berain aldeko botoa eman dutenak. Gustora azaldu dira Txilin ibilitako jendetza ikusita.
Txoko Kafe-Bar
Bakailao pintxo goxoenen arteko lehiaketan aurten ere podiuma lortu du Txoko Kafe-Barrek. Hirugarren urtea du jarrain hiru onenen artean dagoela Txoko Kafe-Bar, eta hori, tabernak bost urteko ibilbidea baino ez duenik!
VIII. Bakailao Asteko pintxo lehiaketan Itsasmendi izeneko pintxoarekin hartu du parte Mila eta Ibai ama-semeen taldeak, eta bigarren postua eraman dute etxera.
Garaiko produktuak nagusi
Hernaniko Bakailao Astea udazkenean sartzearekin batera ospa-tzen da, eta Txoko Kafe-Barrek keinu bat egin nahi izan dio urtaro berriari, garaian garaiko produktuak nagusituz; onddoak. Dena den, arrautz zuringo flanbeatua eta arrosa lore-hostoak ere baditu Itsasmendi pintxo zaporetsuak.
Oraindik ere probatzeko aukera
Txoko Kafe-Bar eskaintzen duen patata tortila ospetsuengatik ezaguna bada ere, aurtengo VIII Bakailao Astea bukatuta ere, Itsasmendi bakailao pintxoaz gozatzeko aukera luzatuko du Andre kaleko tabernak.
Pozik daude Txokon hartu duen martxarengatik eta Bakailao Astean ez ezik, urte osoan zehar herriaren harreragatik.
Aralar taberna
Denbora luzez tabernako sukaldea itxita eduki badute ere, indarrean jarriko dituzte pertzak eta eltzeak berriro ere sutan Aralar tabernakoek. Erakutsi baitute bakailaoa ondo baino hobeto lantzen dutela bertan. Izan ere, bukatu berri den VIII. Bakailao astean hirugarren postua lortu du Aralar tabernak Brandkailua izeneko pintxo bereziarekin. Argi utzi dute, beraz, sukalderik gabe egon badira ere, ez zaiela ahaztu nola aritu behar den bertan!
Zapa kaleko 4garren zenbakiko taberna honen ezaugarri ezagunenetakoa da bertan sortzen den giro ona, eta aurten ere, hutsik egin gabe, VIII Bakailao Astean eutsi diote mailari; jendetza hurbildu da Brandakailu pintxo goxoa dastatzera, batez ere, ostegun eta ostiralean. Benetan eskertuta daude arrakastarekin eta oihartzunarekin.
Gogotsu berriz ere sukaldean aritzeko
Sukalderik gabe denbora egin badute ere, segituan izango dute martxan berriro ere, eta Aralar tabernako taldea gogotsu dago berriro ere indarrean ekiteko beraien eguneroko normaltasunari.
Eskerrak eman nahi dizkiete Aralarren aldeko botoa eman duten herritar horiei guztiei.