Argiaren kazetaritza ereduari buruzko saiakera kaleratu du Bereziartuak

Asteartean aurkeztu zuen Gorka Bereziartua kazetari her­­naniarrak Ez gara neutra­lak liburua, Donostiako San Jeronimoko udal liburutegian. Argia aldizkariaren filosofiari buruzko saiakera da, «kaze­ta­ri­tza burujabe euskaldunaren aldeko aldarria».

Argiaren mendeurrenaren harira argitaratu den arren, bertako kazetari den Bere­ziar­tu­ak zehaztu zuen ez dela he­da­bidearen historiari buruzko li­burua. «Gaur kazetaritza eus­keraz egiten ari bagara, nau­fragio askotatik onik atera ga­relako izan da. Baina nau­fragioen ondoren zaila izaten da barkuak osorik berrerai­ki­tzea, ontziaren puskak atera­tzen dira uraren azalera. Ho­rregatik, liburu hau hamar­ka­den ondoren azaleratutako za­tien bilduma da, nolabait».

Objektibotasunik ez

Argiaren filosofiari buruzko liburua aurkeztearekin batera, kazetariak aprobetxatu zuen go­go­ra ekartzeko berriro ere pro­tagonismoa hartu duela kazetaritzaren funtzioari bu­ruz­­ko debateak, azken egu­ne­ta­ko Kataluniako gertakariei es­ker. «Kazetariok gure bu­ru­a­ri eten­gabe egin behar ge­niz­ki­o­keen galderak in­ten­tsi­ta­te haun­diz agerrarazi dit­uz­te al­bis­teek. Adibidez, nola in­for­ma­tzen dugun aurrez eza­rri­ta zeu­den zenbait eskema ko­lokan ikusten ditugunean. Edo non­dik informatzen du­gun, barri­ka­­daren alde batetik ala bes­te­tik. Zein hitzekin de­fi­ni­tzen du­gun erralitatea. Zer erakustea erabakitzen dugun eta zer ez».

Bereziartuak az­­­pimarra­tzen du erabaki ho­riek ez direla neutralak, ka­ze­taritza ezin dela neutrala izan, ez­ta objektiboa ere. Baina en­pre­sa haundiek sustatutako he­da­bi­de­ak ‘objek­ti­­batzaile’ izaten saia­tzen dire­la. «Beren burua aur­kez­ten dute egiaren konta­la­ri ba­­karrak ba­li­ra bezala, gi­zar­te guz­tiak onar­tu behar du­e­la di­ru­di­en erre­­a­li­ta­te bat erai­kiz; Ar­gi­ak, ez dau­ka hori egiteko asmorik».

Burujabetzaren garrantzia

Informazioa modu askean ema­teko, komunikabidearen ja­betza edukitzea garran­tzi­tsu­a dela ere azpimarratu zuen. «Argiako kide bakoitzak he­dabidearen eguneroko era­ba­kietan eta hautu estra­te­gi­koetan zuzenean parte har­tzen du, eta medioaren jabe­tzaren parte bat ere berarena da».

Dagoeneko, eskura

Argia aldizkaria etxean ja­so­tzen dutenek dagoeneko ba­du­te Ez gara neutralak liburua. Argia Jendea komunitatea osa­tzen ez dutenek, Argiaren web­gu­neko Azoka atalean lortu de­za­kete, 14 euroan: www.argia.eus.