Burgos azken sailkatua hartuko dute trikoloreek gaur, Landaren

Bost jardunalditan etxetik kan­­­­­po lau partidu jokatu ondoren, Landaren izan­go dute zita gaur Hernaniko Errugbi Elkarteko mutilek. Liga hasi zenetik, bigarren partidua izango dute etxe­ko zelaian; arratsaldeko 17:00­e­tan hasita izango da, Burgo­sen kontra. 

Sailka­pe­neko azkenaren eta azkenaurre­ko­aren arteko nor­ge­hiagoka izango da; parez pa­reko lehia, beraz; eta galtzailea, zuloan geratuko da. Hori horrela, orain arteko zitarik garran­tzitsuena izango da gaurkoa, her­­na­nia­rrentzat.

Burgosek kalitate haundiko ­taldea osatu du
Hernanik bi puntu ditu sailkapenean eta Burgosek berriz ba­karra. Aurrekoak, Bathcok. zor­tzi di­tu. Gutxik espero zuten Burgos hain atzean ikustea tal­de sendoa duelako paper gainean. Pos­tu horrek ez du islatzen haren plantillaren ka­litatea.

Hernanik asko dauka ira­baz­teko; izan ere, une honetan liga erdibituta dago, bi zatitan. Aurreneko sei taldeek aban­taila argia ateratzen diete azkeneko seiei: seigarrenak 17 puntu ditu, eta zapigarrenak, berriz, hamaika. Hortaz, gaurkoa irabaztea garran­tzi­tsua da, sailkapenean gora be­gi­ra jarri nahi badu.

Egoera ikusita, trikoloreen­tzat ezinbestekoa izango da za­leen indarra, beste behin. Gai­ne­ra kontuan hartu behar da, urtarrilera bitarte Landaren jo­katuko di­tuz­tela partidu gehienak, hernaniarrek.