Azoka jarriko du berriro ere bihar, Kaleko Elkartasun eta Kultur Elkarteak. Beste behin, «egoera onean dauden liburu, diska eta CDak» jarriko dituzte postuetan salgai, Plaza Berrin, goizeko 10:30etatik 14:00etara bitartean. Denera, «egoera onean dauden 1.000tik gora liburu, diska eta CD» direla azpimarratu dute.
Saldu, eta jaso ere bai
Postuetan material hori guztia saltzeaz gain, bilketa ere egingo dutela jakinarazi dute. «Nahi duenak erabiltzen ez dituen liburu, musika CD eta binilozko diskoak eman ditzake. Ez da jasoko entziklopediarik, ezta aldizkaririk ere».
1.000tik gora liburu, diska eta CD jarriko dira bihar salgai.
Emateko moduko materiala daukana eta bihar azokara gerturatu ezin duena, azokasolidario@gmail.com helbidean harremanetan jarri daiteke elkartearekin.
Webgunea, aukeran
Bestalde, elkartearen inguruko informazio gehiago nahi duenak webgunean eskuragarri duela ere jakinarazi dute: www.azokasolidario.eus.