Erabaki Hernani parte-hartze prozesua iritsi da bozketa fasera. 2020ko udal aurrekontuetan txertatzeko 22 proposamenek egin dute aurrera, eta orain, 500.000 euro proiektu horietako zeinetan erabili erabakitzeko botoa eman ahal izango dute herritarrek.
Botoak emateko epea astelehenean hasiko da, eta azaroaren 24ra arte luzatuko da. Ohi bezala, 16 urtetik gorako hernaniarrek eman ahal izango dute botoa, eta hiru bide izango dira horretarako: aurkezpen saioetan eta informazio puntuetan; etxean jasoko diren eskuorriak bete eta udal eraikinetako postontzietan utzia, eta interneten, erabaki.hernani.eus webgunean. Bestalde, iaz bezala, 8 eta 16 urte arteko gazteek hartuko dute parte prozesuan, Eskola Agenda 21 programaren bitartez, ikastetxeetan.
Bilera auzoetan, etzi hasita
Proposamenak ezagutzeko aurkezpen irekiak egingo dira auzoz auzo. Aurrenekoa astelehenean, 18:00etan udaletxean.