Zuhaitz bat erori da errepidera, gaur goizean, Chillida Leku museoaren parean; eta trafikoa etenda egon da tarte batez. Goizeko 08:00ak baino lehenago izan da hori, eta errepidea itxi behar izan dute. Ertzainen bi furgoneta eta errepideko lanetako kamioi bat bertaratu dira, arazoa konpondu eta trafikoa bideratzera.
Gertaerak auto ilara luzeak eragin ditu, baina dagoeneko zabalik dago berriro, eta trafikoa normaltasunera bueltatzen ari da.