Biharkoa egun haundia izango da Txantxilla auzoan, bertako festak hasiko baitira. Larunbatera arte luzatuko dira.
Ezin hobeto hasteko, txikientzako puzgarriak jarriko dira bihar, 17:00etan. Hala ere, festak ofizialki arratsaldeko 19:00etan hasiko dira, txupinazoa eta arima bihurriaren etorrerarekin. Maialen Lujanbio eta Unai Agirrek ere girotuko dute. Ondoren, pintxo-potea egingo da, eta eguna dantzan amaitzeko, Burrunba elektrotxaranga ibiliko da, auzoan barrena.
Txartelak salgai, bihar arte
Festak larunbatean jarraituko du. Besteak beste, auzo bazkaria egingo da, eta bihar arte erosi daitezke txartelak, Aroza eta Txantxilla tabernetan.