Hilabete amaieran, urriaren 30ean Nomofobikoak: ‘Sarean kateatuak’ antzezlana eskainiko da Biterin, arratsaldeko 18:00etan. Hernaniko Udal Euskaltegiak antolatu du, eta sarrera debaldekoa izango da.
Antzezlanak, Donostiako Poltsikoko antzerki sorkuntzako lehenenengo saria irabazi zuen, duela hiru urte. Geroztik, hamaika emanaldi egin dituzte Euskal Herrian zehar, eta urria amaitzeko, herrian egingo dute geldialdia.
Antzezlana eta aktoreak
Amaia Lizarralde, Belen Cruz eta Olatz Beobide aktoreak izango dira antzezlana interpretatuko dutenak.
Hauek, sakeleko telefonoarekiko menpekotasunaren aurrean jarriko dute publikoa, «barre egiteaz gain, burua astindu eta hausnartzera ere bultzatuko gaituzte».
Hori dela eta, Hernaniko Udal Euskaltegiak asteazkenean, Biterira joateko gonbidapena luzatu nahi izan du.