etxetik kanpo lau partidu jokatu ondoren, Landaren izango dute zita larunbatean Hernaniko errugbi elkarteko mutilek.
Liga hasi zenetik, bigarren jardunaldia izango dute etxeko zelaian; arratsaldeko 17:00etan hasita izango da, Burgosen kontra.
Liga erdibituta
Sailkapenaren azkenaren eta azkenaurrekoaren arteko norgehiagoka izango da; parez pareko lehia izango da, beraz.
Liga erdibituta dago, aurreneko sei taldeek abantaila argia ateratzen diote besteei.
Hernanik asko dauka irabazteko, izan ere, une honetan liga erdibituta dago, bi zatitan. Aurreneko sei taldeek abantaila argia ateratzen diote azkenekoei; eta azkenekoen artean, aldea txikia da. Hortaz, Hernanik irabaztea garrantzitsua da, sailkapenean gora egin nahi badu.
Bestalde, kontuan hartu behar da Burgos dagoela zerrendaren azkeneko postuan, baina postu horrek ez duela islatzen haren plantilaren kalitatea.
Egoera ikusita, hernaniarrentzat ezinbestekoa izango da zaleen indarra.