Ezgaitasunaren inguruko II. Zinemaldia antolatu du Gainditzenek, Tolosaldea-Goierriko Pertsona Gorren Elkarteak, eta proiekzio batzuk Hernanin ari dira egiten. Gaur izango dute Hernaniko bigarren jardunaldia; Pumpas, abriendo caminos jarriko dute, arratsaldeko 19:00etan, Biterin. Jarraian, solasaldia izango da Errugbi Elkarteko Andoni Lizeaga eta Jon Insaustirekin, eta pelikulako David Izquierdo kidearekin.