Pirinioetako Bunkerren ibil–bidea egiteko aukera izango da igande honetan, Nabarralde, Hernani Errotzen eta Motako Gaztelua elkarteen eskutik.
Irteera autobusez izango da, Donostiatik abiatuta. Hala ere, hainbat herritan egingo ditu geldialdiak. Autobusa hartu eta irteerara joan nahi duenak, aurrez izena eman behar du: www.nabarralde.eus.
Gerraren ondorioak, ikusgai
Espainiako 1936ko gerrak utzitako ondorioak ikusiko dira. Pirinioetako gailurren eremu horretan, baita eraso bati aurre egiteko eraikitako gotorleku eta bunkerren aztarnak ezagutu ere. Hain justu, frankismoak, gerra bukatutzat eman eta berehala hasi ziren gotor gune hauek eraikitzen. Gainera, bisitatuko dituzten gailur horietan, Bigarren Mundu Gerra lehertzear zela, 169 gotor gune eraiki zituzten Europarekiko babes lerro moduan.
AUTOBUSAREN ORDUTEGIA
- 08:30, Donostia, Larramendi gasolindegia
- 08:40, Hernani, Biterin
- 08:50, Andoain, Sorabillako bidegurutzean
- 09:40, Iruñea, Matesa eraikinean
- 11:00, Ibañeta
- 14:00, Bazkaria Aruitzen
- 16:30, Itzulera
- 18:30, Donostia
Autobusa eta bazkaria: 25 euro