ASteburu ezin hobea izan da Hernani eta Astigarragako futbol talde nagusientzako. Ezusteko handiena Hernaniko neskak eman zuten Euskal Ligako seigarren jardunaldian.
Eibarren jokatu zuten liderraren aurka eta porrotik jaso gabe partidu guztiak irabazi zituen taldearen kontra. Pronostiko guztiak hankaz gora jarri zituzten eta 0-1 lortu zuten garaipena. Lehenengo hiru jardunalditan ez zuten garaipenik lortu, baina azken hiru jardunaldiak irabazi dituzte eta sailkapenean gora begira jarri dira.
Ez zen Hernaniren emaitza on bakarra izan. Ohorezko Erregional mailako mutilek ere garaipen ona lortu zuten Zubipen Zarautzen kontra. Txuriberdeek 4-0 irabazi zuten. Hasieratik hernaniarrak presioan ongi aritu ziren eta deseroso senti arazi zituzten aurkariak. Hala ere lehenengo zatia berdinketarekin amaitu zen. Bigarren zatian, ordea, lan horren emaitzak etorri ziren. Bosgarren minutuan aurreratu zen Hernani eta hortik aurrera jaun eta jabe izan zen, beste hiru gol lortuz.
Mundarrok markagailua irauli zuen
Mundarrok ere lortu zuen Preferente mailan irabaztea Zarkumendegin, 2-1 gaindituz Santo Tomás Lizeoa. Donostiarrek sartu zuten lehenengo gola partidua hasi eta berehala, baina astigartarrek bigarren zatian markagailua irauli zuten.
Berdinketa 25 minuturen faltan iritsi zen eta minutu gutxiren faltan Ion Oiartzunen erdiraketa bat zuzenean sartu zen.
Maila berean Hernanik 6-3 galdu zuen Deustoren kontra.