Asteburu gogorra izan da Hernaniko errugbilarientzat. Euskal Ligan, neskek, 0 eta 88 galdu zuten larunbatean Landaren, Getxoren aurka, eta Ohorezko Mailan, mutilek, 62 eta 7 igandean, Santboianaren kontra, Baldiri-Aleun.
«Taldea osatzen ari gara orainidk»
Hernaniko neskek Ordiziakoekin osatu dute aurten taldea, jokalari dezente baja izan direla-eta, ez baitziren nahikoa. Horrela, Landarbaso taldea sortu dute, eta «oraindik taldea osatzen» ari direla diote entrenatzaileek.
Hain zuzen, horrek eragin haundia izan du larunbateko partiduan. Getxo hartu zuten Landaren, eta 0 eta 88 irabazi zuen. «Fitxaje pare bat ere badauzka, Ukrainia edota Zeelanda Berrikoak, eta nabaritu egin zen. Gainera, urte osorako lesionatu bat izan dugu».
Jokatutako hiru partiduetatik bakarra irabazi dute neskek. Astean behin bakarrik izaten dute aukera talde osoa elkartuta entrenatzeko. Baina egoerari buelta ematen saiatuko dira.