CD Hernani Euskadiko txapeldun geratu zen, taldeka, nesken 16 urtez azpiko txapelketan. Durangon jokatu zen larunbatean, pistan, eta Izaro Salaverria, Nora Lopez, Arixen Unanue, Amaiur Velez, Intza Otamendi, Nagore Urkiola, Enara Macicior, June Montero eta Naia Gomez dira Hernaniri garaipena eta lehenengo postua eman zioten atletak. Eider Aldabe eta Unai Roldan entrenatzaileek gidatu zituzten.
Donostiako Klasikoa
Bestetik, igandean Donostiako Klasikoa lasterketak jokatu ziren 5, 10, 15 kilometroetako distantzian, baita handbike eta rollers mailan. Azken honetan Nagore Montes Chivite hernaniarrak garaipena lortu zuen.
Hernaniar ugari aritu dira hiru distantziatan eta Ibai Albak hamaikagarren amaitu zuen sailkapen orokorrean 15 kilometrotakoan eta Hoki Guerrero bigarren geratu zen bere mailan. Sailkapen orokorrean bere ahizpa Maitane Guerrerok 10garren amaitu zuen eta Hokik 11garren.