Obstakulo txapelketek bertsio desberdinak dituzte eta horietako bat OCR da. Spartanekin alderatuta araudi desberdina du eta hesiak ere desberdinak dira. Munduko Txapelketa ere jokatzen da modalitate honetan eta orain gutxi izan dira Londresen.
Bertan Denontzat taldeko 25 ordezkarik hartu dute parte; bai irungoak eta bai hernanikoak ere. Gainera adin desberdinetako partehartzaileak egon dira hiru kilometro, 15 kilometro eta taldekako lasterketetan.
Eguraldi txarrak, euriarekin eta lohiarekin, zaildu egin zituen lanak, baina taldeko ordezkari ia denek lortu zuten pultserarekin amaitzea. Hesiren bat ez baldin bada gainditzen kendu egiten dute partaidea kanporatuz. Azpimarratzekoa izan zen Ekain Nogueira, Aritz Arteaga, Xabi Muñoz eta Marco Usabiaga hernaniar gazteen lana. Kepa Usabiagak lagundu zituen eta Jabi Nogueira izan da txapelketa honetan entrenatzailea. Hurrengo txapelketa gertuago izango da, Nafarroan.