Iraulio Panttalone Bertso Kabiyako lau bertsolari aritu dira Gipuzkoako Bertsolari Txapelketako final-laurdenetan, asteburuan, eta bik lortu dute zuzenean final-erdiraino sailkatzea, bakoitzari zegokion saioa irabazita; aurrenekoa izan zen larunbatean Eñaut Martikorena, Andoainen, 476 punturekin, eta berdin Agin Laburu astigartarra atzo, Irunen, 495 punturekin.
Gauzak horrela, azaroan jokatuko diren final-erdietako hiru saioetako aurrenekoan izango dira biak, zuzenean sailkatuta. Hain zuzen, Arrasaten, azaroaren 17an aritzea egokitu zaie.
Asteburuan aritu diren Hernaniko eskolako beste biek, final-laurdenetako fasea bukatu eta puntuazioak zenbatu zain egon beharko dute, aurrera egingo ote duten jakiteko. Asier Azpiroz zubietarra bosgarren izan zen larunbatean, 458,5 punturekin, eta Unai Gaztelumendi laugarren atzo, 451,5 punturekin.
Beñat Gaztelumendi, azaroan
Txapelketan parte hartuko duen hurrengoa Beñat Gaztelumendi izango da. Azaroaren 2an ariko da, Azkoitian, final-laurdenetako azkenekoan.