Gure Market

Elikagai sektorearen arteko topaketak, Oronan

Ostiralean, 09:30etatik 12:00etara egingo da. Parte hartzeko izena eman behar da. Doan da.

Gipuzkoa mailan elikagai in­dus­triaren elkarlana susta­tzen ari dira Beterri-Buruntza Udalak eta Debabarrena, Oar­so­aldea eta Tolosaldeako ga­rapen agentziak, eta aurreneko topaketan enpresek hala eskatuta, bigarren topaketa egingo da orain. Urriaren 25ean, ostiralean izango da, Orona Fundazioan.

Ekitaldiak hiru ordu iraun­go ditu, eta izen-ematea irekia da sektoreko edozein en­pre­sarentzat, doan, baina au­rre­tik egin behar da, interneten (lotura: hemen).

Elikadura arriskuak, joerak eta adibideak, aztergai
Goizeko 09:30etan egingo den ekitaldiarekin hasiko da to­paketa, eta ondoren, hainbat gai landuko dira.

Elikadura arriskuez eta on­dorioez aritzeko tartean, listeriaren kasua landuko da 09:40etan. Gero, presio altuak elikaduran eragiten dituen eraldaketak aztertuko dira 10:00etan. Segidan, ekonomia zirkularraz ariko dira 10:20e­tan, eta arrakasta kasuez, 10:40etan. Goizeko 11:00etan elikadura tendentziak aztertuko dira. Bukatzeko, 11:20e­tan etorkizuneko kontsumi­tzai­leekin konektatzeko tokikoa izateak daukan balioa az­tertuko da, eta 12:00etan, on­dorioak ateratzeko azken saioarekin bukatuko da topaketa. Tartean, kaferako 20 minutu izango dira.