Berdintasun Sailetik hainbat deialdi egin ditu Udalak.
Batetik, 12 eta 26 urte arteko gazteei zuzenduta, Beldur Barik lehiaketa martxan dagoela gogorarazi du, eta sari orokorraz gain, Hernanikoentzako ere izango direla.
Bestalde, Jabetze Eskolen Sareak antolatuta, bihar beste hitzaldi bat izango da prostituzioaz. Amelia Tiganus ekintzaile feministak emango du, 18:30etan Biterin.
Azkenik, LGTB kolektiboen historia berreskuratzeko ikerketan parte hartzeko deia zabaldu du Udalak. Hiruki Larroxa kolektiboa ari da horretan. Azken 50 urteetako oroimena berreskuratu nahi da. Parte hartzeko: 690 145 760 / hernanikolgbtikerketa@gmail.com.
Bideo eta argazkiak, beldurrik gabe bizitzeko
Emakumeek jasaten duten bereizkeria-egeoerei aurre egiten dieten neska-mutilen arte adierazpenak sustatzea da, Beldur Barik programaren helburua. Bideoak edota lan grafikoak bidaliz hartu daiteke parte lehiaketan.
Lanak www.beldurbarik.eus webgunera bidali behar dira, azaroaren 5era arte. Kategoria bat 12-13 urtekoena izango da; bigarrena, 14-18 urte artekoena; eta hirugarrena, 19-26 urte artekoena. Lehiaketa horretan parte hartzearekin batera, ‘herria’ atalean ‘Hernani’ idatziz gero, Hernaniko lehiaketan ere hartuko da parte. Kategoria bat 12-18 urte artekoena izango da, eta bestea, 19-26 urtekoena. Sariak 400, 300 eta 150 euro artekoak izango dira. Azaroaren 22an banatuko dira Hernanikoak, eta 23an, orokorrak.
Larunbatean, topaketak
Horrez gain, larunbatean topaketak egingo dira Biterin, 10:00etatik 13:00etara. Neskei bideratuta, autodefentsa feminista tailerra emango da, eta mutilei bideratuta, maskulinitate berriak tailerra.
Izen-ematea bihar bukatuko da: 679 75 68 24.