Azoka eta festa gaur, Elkargunea ezagutzeko

Badarama  denbora luzea bil­tzen eta osatzen, Herna­niko eragile sozial, kultural eta sozio­ekonomikoak bil­tzen di­tu­en Elkargunea.
Eta lan haundia egin ostean, herri­tarren aurrean aurkez­teko garaia heldu da. Beraz, gaur da egun seinalatu hori eta eguerdiko 12:00etatik 14:30­e­­ta­ra aurkez­pen a­zo­ka anto­latu da Plaza Berrin. Bertan, era­gile bakoi­tzak zer egin duen eta ze es­pa­rrutan lan egin duen azal­duko da.

Elkargunea osatzen duten taldeak

Honako talde hauek osatzen dute Elkargunea, eta noski, gaurkoan horiek ezagutu ahal izango dira: Amher, Dobera, Atawafok, Koxka, Stop Kale­ratzeak, Her­na­niko Gure Esku Dago, Kon­trakantxa... 

Aurkezpena amaitzean festak jarraituko du

Behin aurkezpenak eginda, festa giroan murgilduko dira Elkargunekoak eta noski ber­ta­ra­tzen direnak, eguerdiko 13:00etatik aurrera. 

Ipuin kontaketak eta proi­ek­zioak egongo dira, eta ume­entzako gunea ez da faltako. Henna tatuajeak egiteko au­kera ere egongo da eta musi­kaz girotutako eguna izango da gaurkoa.