Gipuzkoako Bertsolaritza Txapelketako bi final-laurden jokatuko dira gaur eta bihar. Bertan, Hernaniko bertso eskolako lau ordezkari ariko dira. Andoaingo Bastero Kulturgunean, gaur 17:00etan hasita Asier Azpiroz zubietarra eta Eñaut Martikorena hernaniarra ariko dira. Bihar, berriz, Irungo Amaian egingo da saioa, 17:00etan, eta bertan ariko dira Unai Gaztelumendi añorgarra, eta Agin Laburu astigartarra.