Egun haundia izan zen atzo argazkilari askorentzat, Argazki Rally Digitaleko sariak banatu baitziren, Hernaniko Foto Forumaren eskutik.
Irailaren 29an egin zuten Argazki Rally Digitalaren lehiaketa hau. Antolatzaileek gaia jarri, eta parte hartzaileak Hernaniko kaleetan zehar argazkiak ateratzen pasa zuten goiz osoa.
Hernaniar batek egindako bildumaren saria, Igor Gastesi Abadek jaso zuen.
Hainbat aste igaro dituzte antolatzaileek argazki onenak aukeratzen, baina azkenean, atzoko egun haundia heldu zen eta sariak banatu zituzten. Hiru multzotan sailkatu zituzten sariak: lehenik, haurren taldea; bigarren, argazkiak mugikorrarekin atera zituztenak; eta hirugarren, helduak.
Haurren sariak eta sarituak
Hiru sari ezberdin banatu zituzten: Bilduma Onena, Diana Martin Alesancori eman zitzaion; argazki Bitxienaren saria jaso zuena Irune Eizagirre Azpeitia izan zen; eta argazki Atseginenaren saria berriz, Inhar Beroz Eizmendiri eman zitzaion.
Haurretan, Bilduma Onenaren saria Diana Martin Alesancori eman zitzaion.
Mugikorrarekin, sari bakarra
Lehiaketan, mugikorrarekin argazkiak ateratzeko aukera zegoen, eta sari bat ere banatu zen, Bilduma Onenaren saria, hain zuzen, Amaia Gastesi Elduayenek jaso zuena.
Helduen taldean, lau sari
Bilduma Onenaren saria Alicia Tebar Gaztanbidek jaso zuen, eta Bigarren Bilduma Onenaren saria berriz Iratxe Tejedor Jaunarerarrek. Hernaniar batek egindako Bildumaren saria Igor Gastesi Abadek jaso zuen, eta azken saritua, Miguel Clavarrentzat izan zen, bera izan zelako Rallyko Argazki Onena atera zuena.