Judoa izango da protagonista, gaur arratsaldean, Hernaniko kiroldegian. Gipuzkoako Txapelketa jokatuko da hasteko, senior mailan, 15:00etan hasita.
Eta haiek bukatu bezain laster, 16:30ak aldera, alebinen arteko borrokak hasiko dira.
Baina gehiago ere prestatu dute. Izan ere, Defentsa Pertsonala Emakumeentzat proiektua jarri dute martxan, eta aurreneko saioa egingo dute gaur, 17:30etan hasi eta 19:00ak arte, kiroldegian bertan.
Hilean behin egin nahi dute jardunaldi bana, eta 16 urtetik gorako emakumeentzat da: «defentsa pertsonala ikasteak erakartzen bazaitu, anima zaitez eta etorri kiroldegira!», luzatu dute deia.