Asteburu honetan ekingo diote lehiari, Hernaniko boleibol talde gehienek. Eta seniorretan, debuta egingo dute, mutilen taldeak Euskadiko Ligan, eta neskenak Gipuzkoako Txapelketan. Gaur arratsaldean jokatuko dute biek, Hernaniko kiroldegian bertan.
Aurrena, 16:00etan, mutilak ariko dira, Bera Beraren kontra. Guztira, 10 talde ariko dira, Euskadiko Ligan; eta 18 partidu jokatuko ditu Hernanik.
Mutilen partidua bukatuta, 18:30etan jokatuko dute neskek, Goierriren kontra. Zortzi talde lehiatuko dira aurten, Gipuzkoako Hasierako Txapelketan; eta zazpi partidu izango dira.
Beste hiru taldek ere ekingo diote Gipuzkoako Txapelketari, gaur bertan. Neska kadeteen talde bat kiroldegian ariko da, goizeko 11:00etan, Summa Aldapetaren kontra; eta Donostian bestea, 12:30etan Pio Baroja kiroldegian, Fortunaren kontra.
Eta azkenik, neska infantilen aurreneko taldeak Tolosan jokatuko du, 11:00etan hasita, Laskorainen kontra. Bigarren taldeari, atsedena egokitu zaio, aurreneko jardunaldian.