Disko berria argitaratu du Alos Quartet, harizko laukoteak: Lau. Hori horrela, hau aurkezteko kontzertua emango du ostegunean, hilaren 17an, 20:00etan Biterin. Dagoeneko 20 urte bete dituen taldearen lan berri honek 16 pieza biltzen ditu, gehienak, Xabier Zeberiok konposatuak eta moldatuak. Biolin eta nyckelharparekin ariko da Zeberio bera; biolarekin, Lorena Núñez; biolinarekin, Francisco Herrero; eta txeloarekin, Iván Carmona. Perkusioa ere izango dute lagun, Iñigo Egiari esker. Sarrerak salgai, eta zozketan Emanaldirako sarrerak salgai daude 7,5 euroan, Biterin. Horrez gain, Kronikalari eta Doberako bazkideen artean hiru sarrera bikoitz ere zozketatuko dira. Parte hartzeko, iruzkina egin interneten, edo deitu: 943 33 08 99.