Urte hasieran hasi zen biltzen eta osatzen, Hernaniko eragile sozial, kultural eta sozioekonomikoak biltzen dituen Elkargunea. Hainbat bilera egin ditu azken hilabeteetan, eta herritarren aurrean ezagutzera emateko lanetan ari da orain.
Horrekin lotuta, aurkezpen azoka antolatu du larunbaterako. Plaza Berrin egingo da, 12:00etatik 14:30etara, eta bertan azalduko da eragile bakoitzak zer egiten duen eta zein esparrutan lan egiten duen.
Hainbat taldek osatzen dute Elkargunea, eta horiek ezagutu ahal izango dira: Amher, Dobera, Atawafok, Koxka, Stop Kaleratzeak, Hernaniko Gure Esku Dago, Kontrakantxa...
Festa giroa, aurkezpenen ondoren
Aurkezpenak eginda, festa giroa nagusituko da larunbatean, eguerdiko 13:00etatik aurrera.
Batetik, ipuin kontaketak eta proiekzioak izango dira. Bestetik, umeentzako gunea. Era berean, henna tatuajeak egiteko txokoa izango da, eta denentzako, musika.