hernanin gertaturiko istripu larria eta gero Hernaniko PSE-EEk Udaleko antolakuntza batzordean proposatu zuen aurreko ostegunean patinete elektrikoek eta beste ibilgailu batzuen erabilpena arautzeko lan taldea sortzea. «Horrek udal ordenantza bat, mugikortasun pertsonaleko ibilgailuen erabilpenerako, bideratuko luke».
Ricardo Crespo bozeramaileak dioenez «Trafiko Zuzendaritza lanean ari da arau berri bat sortzen, mugitzeko era berri hauek erregulatzen dituena, baina bertatik informatzen da gailentzen den araua munizipala dela. Beraz Hernani jadanik berandu doa eta lehenbailehen hasi behar dugu honetan lanean».
Alderdi sozialistako bozeramaileak ere «elkartasun mezua bidali nahi dio Elizatxon istripua izan zuen gizonari eta ea ahalik eta azkarren osatzen den».
Patinete elektrikoen erabilera orokortu egin da. «Ez dago araudirik eta alegalitate egoeran mugitzen dira erabiltzaileak. Askotan ez daramate argi egokirik eta frenu arazoak izan ditzazkete. Kezkagarria da askok pentsatzea patinete hauek jostailuak direla, baina ez dira inondik inora jostailuak».