prostituzioari eta sexu-lanari buruzko jardunaldiak gaur hasiko dira Biterin, 18:30etan, Conxa Borrell Bernausek eskainiko duen hitzaldiarekin. Otras sexu-langileen sindikatuaren idazkari nagusia da Borrell eta Sexu-lana; lan eskubideak, sindikatzea eta esplotazioa da hitzaldiaren izenburua.
Aurrerago beste bi hitzaldi ere izango dira. Urriaren 22an, Amelia Tiganus ekintzaile feminista eta prostituzio sistemaren biziraulea izango da hizlari. Emakumeak eta neskak: prostituzioaren salgaiak. Nola egiten da bat puta? gaia izango du hizpide, Tiganusek.
Eta azkenik, hilaren 25ean, Péter Szil psikoterapeuta, hezitzailea eta indarkeria patriarkalari buruzko gaietan aktibistak eskainiko du. Gizonak, pornografia eta prostituzioa gaia jorratuko du.