Zubipeko grada aldean hesi berria eta sare haundi bat jarri ditu Udalak

Zubipeko zelai nagusia inguratzen duen hormigoizko he­sia kendu du Udalak eta ho­rren ordez baranda bat jarri da zelai osoan zehar. Grada al­dean ere hesi berri bat jarri da. Hernani Erabaki 2017ko par­tehartze prozesuan hesia kentzeko proposamena atera zen. Orduz geroztik, proposamena gauzatzeko hainbat bilera egin dituzte udal ordezkariek eta Hernaniko Futbol taldeko zuzendaritzako kideek. Zenbait aukera aztertu on­doren, bozkatutako ideia ez ze­la bideragarria ikusi zen. Hori dela eta, Hernani Erabaki aurrekontu partehartzaileen jarraipen batzordeak erabaki zuen 25.000 euroak futbol el­karteak beste proposamen ba­tean inbertitzeko aukera izango zuela. Proposamen be­rria izan zen grada aldeko al­de­aren hesia aldatzea eta taberna kokatua dagoen altu­eran sare haundi bat jartzea.